La fabbrica di birra di Pedavena (Belluno)

Ah no steme a parlar de gioia nova,
de volutà che fa l'anima piena
se ben non conossì quel che se prova
a bevare la Bira Pedavena,
fresca, spinada come che se deve!
Beato sempre sia chi se la beve!

Prima se sente come un'onda fresca
che gira tuto el corpo fino al core
come par Paolo i basi de Francesca,
po' subentra un simpatico calore
che te mete alegria, fede e passion
e un corajo, 'na forza da leon.

Andà zò dal gargato, la delissia
te ciapa de la sen che se destua
e de la digestion l'alta pigrissia,
lassando in boca un bon che no se frua.
Po' riva 'na gran pase e, dopo un'ora,
la volontà de bevarghene ancora.